520放闪！庄思明咀杨明：你令我人生更精彩

今日系520，“我爱你”呢个日子，唔少圈中人都趁机放闪，实行闪爆大家眼球！向来爱得高调慨庄思明同男友杨明，思明就晒出一张同男友锡锡相，发表爱的宣言：“你出现令我人生更精彩。”仲话爱很简单。另外一对闪爆慨仲有张晋同埋蔡少芬，蔡少芬咀爆老公，留言话：“昨天是你的生日，亲爱的能陪着你过生日，真的太棒了！感恩。。。！爱要大喊出来！” 

影帝梁家辉同太太江嘉年多年恩爱如昔，女儿梁静禧Nikkie就喺社交网大晒父母慨甜蜜相，留言话：“Happy 31st Anniversary to the coolest（最型慨你哋，结婚31周年快乐） ”相中见到梁家辉锡老婆面珠，又手拖手漫步，好Sweet呀！

天王郭富城太太方媛摆出个人照，留言：“520”隔空对老公表达爱意，隔空放闪又点止方媛一个，艺人苟芸慧未婚夫陆汉洋亦喺网上上载文字截图，写上“52099” ，相信苟芸慧睇到一定冧爆！而胡杏儿老公李乘德亦晒出一家合照话：“我的大小宝贝，520快乐”认真闪爆！