与马浚伟合作的导演被捕 他表示希望能得到公正的判决

马浚伟为节目进行拍摄，谈及舞台剧导演及演员黄嘉威涉骗未成年少女拍写真被捕，他表示跟对方认识，是合作了数年的朋友，之前其舞台剧《偶然·徐志摩》也是由对方担任执行导演，并有份饰演其中一角，马浚伟说：“寻晚凌晨三点几收到朋友转发段新闻畀我睇，因为当时未开名，但根据报道上嘅资料，觉得似系佢，但我唔想系佢，当时未证实，都唔肯定。我唔可以畀意见，因为涉及刑事同嗰位小女孩，我冇谂过佢（黄嘉威）会遇上呢种事。（佢平时嘅为人系点？）我哋系工作上接触，工作以外冇，总之我依家讲乜都系唔公平，无论对佢定系对个小女孩都唔公平，所有嘢交畀法庭，我会祷告，希望得到公平结果，虽然我同佢系朋友，但都唔可以偏帮。”

而李思欣则表示：“佢系我喺演艺第二年嘅同学，听到好错愕，不过我同佢唔熟，唔评价呢嗰人啦！”杨诗敏表示：“好耐之前系舞台剧合作过，唔系好熟，我唔清楚件事唔方便发表意见！”