黄心颖帮三家姐庆生　心美为老窦饯行爆喊

黄心颖向来同家人感情要好，寻晚佢就三家姐黄心慧庆祝生日，仲喺社交网分享相片，佢话：“简简单单、健康就好！生日快乐三家姐！”见到荣升人妻嘅心慧容光焕发，大家姐黄心美亦都喺度，心颖揽实爸爸齐齐合照，虽然就差二家姐黄心妙同妈咪，但一样咁温馨呀！网民搞笑问相又唔见马国明，唔通佢又揸机？

不过原来呢餐饭佢哋唔单止同心慧庆生，亦系同爸爸饯行，心美亦晒出同爸爸合照，并留言：“眼浅嘅我已经尽量避免送机呢个举动，不过寻晚为咗daddy就破例一次，亦证（证）明咗我嘅泪线仍然崩坏。Daddy，等你返嚟陪我食饭，我需要你。”唔知黄爸爸卖甩啲女去边呢？