当众咀嘴胡蓓蔚！子羚神回天明自爆剃晒毛

寻晚《美女厨房》搵嚟三Pair闺蜜包括姚子羚及胡蓓蔚、蔚雨芯及邝洁楹、许靖韵及曾乐彤落厨，当中合拍度同厨艺最好嘅唔使睇都估到系“姚胡”喇！

一开始三组要整亚枝竹椰汁五谷米，入世未深嘅许靖韵系咁话个亚枝竹入面有好多毛，清唔到，嘉宾洪天明就突然问子羚：“里面啲毛呀，有冇清毛呀？”淡定嘅子羚神回：“清咗㗎喇，同我一样都剃咗，放心！”估唔到尺度咁大，搞到全场男士哗然！吓亲大家嘅子羚就补番句：“我讲胳肋底毛啫！”而子羚仲亲喂张振朗食嘢，仲大爆对方锺意姐姐，即刻令人谂起佢绯闻女友胡定欣呀！

而“姚胡”仲大晒甜蜜，话锡就锡，化身接吻鱼当众咀嘴，最后就以118.5分大幅抛离对手，稳夺美女厨神宝座！