李佳芯(Ali)今早与Fans到山顶行山纾解情绪压力,借此宣扬身心健康,席间大会率先颁发“视后”奖座,预祝她于台庆颁奖典礼中再下一城、夺后成功,令Ali大为惊喜!Ali坦言受男友陈炳铨影响才爱上行山,有时更会带埋爱犬同行,惟自入行后因忙于拍戏,就连瞓觉时间都冇,故开始少行,不过她指行山对平复情绪都有好大帮助:“我系一个好难喊得出嘅人,妈妈都好少见我喊,所以拍啲喊戏嗰阵成日都迫自己,搞到情绪好差,仲衍生好多问题,例如皮肤会唔好。”续自爆曾试过抽离唔出角色:“有套戏30集,但头20集都要喊,拍之前担心做唔到,拍嗰时又辛苦,之后两个月都抽离唔到。(咁点纾解?)放空咩都唔好谂,有时你愈唔想谂就会愈谂,所以咩都唔好谂。”
唔想颁奖礼变压力
讲到颁奖典礼在即,大会刚刚又颁发“视后”宝座,问到可有加大信心?Ali即撒娇求饶话:“唔知呀,唔好问我啦!我都唔想将颁奖典礼变成一个压力,愈多人支持就愈唔想佢哋失望,知道都有好多人锡我、支持我,有啲一直以嚟都唔出声嘅人都话有留意我,呢种开心系比攞奖更难得、珍贵,所以我自己都唔想有压力,通常到嗰晚坐喺下面先开始有压力。”
认迫男友投自己一票
问到如何作最后拉票?Ali笑认拉票唔叻,平时都靠出活动及访问时间拉票:“希望支持我嘅人唔好净系放喺心入面,用行动支持我。(男友支持咗?)迫佢Download咗个投票Apps,用咗佢个电话投自己一票,之后可能攞晒屋企人个电话投,亲力亲为咁,多一票得一票!”
1、头条易读遵循行业规范,任何转载的稿件都会明确标注作者和来源;
2、本文内容来自“TVB剧透社”微信公众号,文章版权归TVB剧透社公众号所有。