三大港剧男神开拍《使徒行者》电影版

吴镇宇为邵氏电影《使徒行者：谍影行动》开工，对于古天乐（古仔）获得歌影视大满贯奖项，镇宇说：“真系好包容，乐坛一定要整好多声音出嚟！（谂住挑战佢？）我当年《难兄难弟》只碟都攞个双白金，四个演员加埋分到七位数字。（今年重返乐坛？）佢哋咁包容啲人，唔好搞懒人个朵啦，包容唔代表随便，我一去就变咗随便㗎啦！（开工同古仔Jam歌？）系喎！一定要整番首《男朋友》，着浴袍嘅HeHe版，仲要搵埋张家辉，佢出过唱片嘛，听闻佢同古仔试过同届争新人奖添！”

遗憾未能再同林岭东合作

谈到已故的导演林岭东，镇宇表示获悉将举行追思会，届时时间许可定必出席：“记得林导演讲过一句说话，引伸系预计唔到，其实我好想再同佢合作，但一直都冇开到口，依家变成遗憾，记得当年有部戏同刘青云拍，导演坚持用我，佢好提携新人，系一个好特别嘅人，所以我依家都好珍惜同我合作过嘅人。（你表现好伤心？）第一日听到呢个消息好震惊，依家你哋再问我就有少少情绪嚟。”